O kit Animal CSI permite traballar a anatomía e organización dos seres vivos, así como a morfoloxía celular e os tecidos a partir da resolución de casos que levan a investigar as causas da morte dun animal: doenzas?, patóxenos?, traumatismos?, envelenamento ou intoxicacións? Os experimentos no laboratorio inclúen a necropsia, a preparación de materiais biolóxicos en portaobxectos para a súa avaliación microscópica e a identificación de órganos, tecidos, células e patóxenos e a realización dun frotis sanguíneo.
Con que alumnado se pode empregar?
- Materia de Bioloxía en Secundaria e Bacharelato.
- Anatomía Aplicada de Bacharelato.
- Ciclos de Formación Profesional das familias da saúde humana e animal e agrogandeiras.
- Clubs de ciencias.
- STEMBach.
Que leva o kit?
- 1 colección de 5 casos para ver ao microscopio óptico.
- 1 caixa con 50 portaobxectos.
- 1 caixa con 100 cubreobxectos.
- 1 kit panóptico rápido para tinguiduras.
- 3 recipientes para facer a tinguidura panóptico rápido.
- 1 estoxo con material de disección:
- 1 bisturí (con 2 follas cortantes).
- 1 tesoira.
- 1 pinza.
- 1 pipeta de plástico.
- 1 bote de solución salina (5 mL).
- 1 par de luvas de nitrilo.
