O kit AquaLab de XuvenLab permite realizar un balance hídrico moi sinxelo dun solo nun testo, para concienciar así o alumnado sobre a xestión e aforro da auga en distintas contornas (no fogar, na industria, etc.). AquaLab usa hardware de fonte libre como é arduíno, que permite a programación dun microcontrolador para rexistrar datos da nosa contorna, como a temperatura do aire ou a humidade.
Con que alumnado se pode empregar?
- Materia de Bioloxía e Xeoloxía de Secundaria e Bacharelato.
- Materia de Ciencias Ambientais de Bacharelato.
- Materia de Tecnoloxía de Secundaria.
- Ciclos de Formación Profesional das familias Agraria, Enerxía e Auga e Seguridade e Medio Ambiente.
- Clubs de ciencias.
- STEMBach.
Que leva o kit?
- Contén sensores e instrucións para elaborar unha curva de calibrado.
- Proponse coñecer todas as partes dun equipo rexistrador en continuo da humidade do solo, temperatura e humidade relativa do aire, usando un sensor do contido da auga do solo de tipo capacitivo e un sensor dixital de temperatura e humidade relativa conectado a unha placa Arduino® Uno.
- Inclúense tamén actividades de programación da placa Arduino® para a medición e rexistro dos datos procedentes dos sensores.
