O método científico apréndese facendo.
XUVENLAB é unha spin-off da Universidade de Santiago de Compostela, que xorde a partir do grupo de innovación docente XuvenCiencia do campus de Lugo. O noso obxectivo é proporcionar ao profesorado de Ensino Medio unha versión mellorada dos kits de experimentación deseñados polo grupo para realizar prácticas de laboratorio. Así mesmo, ofrecemos o asesoramento necesario para implementar a súa utilización nos centros educativos. Os nosos kits pretenden revolucionar a ensinanza das ciencias coa filosofía do aprender facendo e democratizar o acceso a innovación científica desde os niveis preuniversitarios.
Kits de
experimentación
Os kits deseñados na universidade permiten por en práctica o método científico e traballar contidos relacionados coas materias STEAM de forma práctica.
Os teus eventos
de ciencia
Encargámonos de organizar e xestionar actividades de divulgación científica e proxectos de ciencia cidadá para públicos diversos e de todas as idades.
Un apoio
para profes
Impartimos cursos de formación docente para profesorado de ensino medio, en grupos reducidos e con contidos específicos en metodoloxía investigadora e difusión de resultados.
SOBRE NÓS
Helga Peral Varela
Con XuvenLab conxugo a miña curiosidade científica, o meu carácter emprendedor e a miña vocación docente
OS NOSOS KITS
PHOTONICS EXPLORER
VITROPLANT
AQUALAB
FOTOMETRIX
ANIMAL CSI
Testemuños
Empreguei diferentes kits tanto nas prácticas do primeiro curso coma no proxecto de investigación do segundo curso de Stembach. Estes kits facilitan o noso traballo e reducen o tempo de preparación das prácticas. Co kit FOTOMETRIX, realizamos un proxecto de cuantificación de proteínas en carne de polo.
Reproducimos, nas condicións do noso centro educativo, os pasos necesarios para a clonación da especie Ilex x koehneana, dende a preparación dos medios de cultivo ata a aclimatación dos explantos obtidos. Logramos unhas condicións de asepsia aceptables para o establecemento in vitro das nosas mostras, aínda sen cámara de fluxo laminar, mediante o uso de chisqueiros de alcohol e sen observar sinais de contaminación tras 40 días en ningún dos 24 recipientes preparados. Ao mesmo tempo testamos a influencia de auxina (AIB) aplicada mediante dúas técnicas, na formación de raíces e posterior desenvolvemento das plantas, acadando 100% de aclimatación.
